27 янв 15:11
Новости

Теннис

Ҳумоюн Султонов Қувайтда 1/2 финалга йўл олди

Қувайт давлатининг Ал Заҳра шаҳри мезбонлик қилаётган теннис бўйича турнир ўзининг ҳал қилувчи палласига кирди.

Мукофот жамғармаси 25 000 АҚШ долларини ташкил этувчи мусобақада ҳамюртимиз Ҳумоюн Султонов ҳам муваффақиятли одимламоқда. Истеъдодли теннисчимиз бироз аввал якунига етган 1/4 финал учрашувида ATP рейтингида 745-поғонада бораётган нидерландиялик Сидан Понтйодикромони 6/3, 6/2 ҳисобида мағлубиятга учратди.

Таққослаш учун, Султонов ATP рейтингида 491-ўринни эгаллаб турибди. Ҳумоюн 1/6 финалда турнирнинг биринчи ракеткаси, бельгиялик Филип Жиануга ҳеч қандай имконият қолдирмаганди - 6/2, 6/1. Энди у 1/2 финалда туркиялик Ерел ёки марокашлик Бенчетритга қарши кортга чиқади.