24 сен 10:12
Новости

Ҳусановнинг жароҳат сабаб қанча муддатга сафдан чиққани маълум бўлди

"Манчестер Сити" ҳимоячиси "Арсенал"га қарши кечган учрашувда жароҳат олган эди.

Терма жамоамиз ҳимоя қўрғони жароҳати сабабли тахминан бир ой майдонга туша олмайди.

У бугун бўлиб ўтадиган Лига кубогида "Хаддерсфилд"га қарши майдонга тушмайди. Шунингдек, Ҳусанов "Бёрнли" ва "Монако"га қарши ўйинларни ҳам ўтказиб юборади. Ҳамюртимиз майдонга октябрь ойидаги ФИФА кунларидан сўнг қайтади.

Шу тариқа, 21 ёшли ҳимоячимиз Ўзбекистон миллий терма жамоасининг октябрь ойидаги йиғинида ҳам иштирок этмайди.