07 дек 21:23
Новости
Бокс/ММА
IBA Жаҳон чемпионатида иккинчи йўқотиш. Иккита нокдаун қайд этилган жангда мозамбиклик боксчи бизни ранжитди
Дубай шаҳри мезбонлик қилаётган бокс бўйича IBA Жаҳон чемпионатининг тўртинчи кунги баҳслари чарм қўлқоп усталаримиз учун омадсиз ўтмоқда.
Афсуски, бугунги рингга чиқиши режалаштирилган уч боксчимиздан икки нафари мағлубиятга учраб, жаҳон чемпионатидаги иштирокини эрта якунлади.
Саят Илясов (-63,5 кг)дан кейин Шавкатжон Болтаев ҳам мусобақа билан хайрлашди. -67 кг вазндаги боксчимиз илк жангидаёқ Париж-2024 Олимпиадаси иштирокчиси, мозамбиклик Осорио Мухангга 3:4 ҳисобида имкониятни бой берди. Иккала боксчи ҳам бир маротабадан нокдаун ҳолатига тушиб қолди.
Маълумот учун, Шавкатжон Болтаев шу йил Ливерпуль шаҳрида ўтказилган Жаҳон чемпионатининг 1/4 финалида иорданиялик Зеяд Эашашга ютқазиб, медалсиз қолганди. Бир соатлардан сўнг Хўжаназар Нортожиев (-57 кг) илк жангида Шри-Ланка боксчиси Рукмал Подига қарши рингга кўтарилади.
Ссылка :
Источник : olamsport.com
Комментарии