Ига Свёнтек Australian Open 1/2 финалида

Польшалик теннис маликаси 1/4 финалда WTA рейтингида 8-ўринни эгаллаб турган америкалик Эмма Наваррони ортиқча қийинчиликсиз мағлубиятга учратди - 6/1, 6/2. Бу теннисчиларнинг ўзаро ўтказган иккинчи учрашуви бўлди - 2:0. Илк баҳсда ҳам Ига зафар қучганди. 

Тўқсон дақиқа давом этган учрашувда иккала теннисчи ҳам 1 тадан эйс зарбасини амалга оширган. Свёнтек 2, Наварро 1 та қўшхатога йўл қўйди. Брейклар бўйича мутлақ устунлик ғолиб теннисчи томонида бўлди - 5 га 0! Cвёнтек фаолиятида иккинчи бор Australian Open 1/2 финалига чиқди. У 2022 йил ушбу босқичда Даниэль Коллинзга ютқазиб қўйганди.