Ига Свёнтек Потаповага бешта гейм берди

Польшалик теннис маликаси иккинчи босқичда WTA рейингида 45-ўринни эгаллаб турган россиялик Анастасия Потаповани ортиқча қийинчиликсиз мағлубиятга учратди - 6/1, 6/4. Бу теннис маликаларининг ўзаро иккинчи учрашуви эди - 2:0. 

Етмиш тўрт дақиқа давом этган баҳсда Свёнтек 4, Потапова 2 та эйс зарбасини амалга оширди. Иккала теннисчи ҳам 4 тадан қўшхатога йўл қўйган. Энди Ига учинчи босқичда Марта Костюкка қарши кортга чиқади. Украиналик теннисчи иккинчи босқичда германиялик Татьяна Марияни тор-мор этди - 6/0, 6/1.