03 сен 12:50
Новости

Теннис

Ига Свёнтек US Open 1/4 финалида!

Сайёрамизнинг биринчи рақамли теннис маликаси Ига Свёнтек "Катта Дубулға" туркумига кирувчи АҚШ Очиқ чемпионатининг чорак финал иштирокчисига айланди.

Польшалик теннисчи US Open турнирининг тўртинчи даврасида WTA рейтингида 16-поғонада бораётган россиялик Людмила Самсоновани 6/4, 6/1 ҳисобида мағлубиятга учратди. Теннисчиларнинг ўзаро учрашувларидаги ҳисоб йириклашди - 4:0

Тўқсон бир дақиқалик учрашув статистикаси:

Ига Свёнтек - 3 та эйс, 1 та қўшхато, 3 та брейк

Людмила Самсонова - 1 та эйс, 3 та қўшхато, брейк йўқ

Маълумот учун, Свёнтек фаолиятида иккинчи бор АҚШ Очиқ чемпионатининг 1/4 финалида ўйнайди. У илк иштирокидаёқ, яъни 2022 йилда мусобақа бош совринини қўлга киритганди. Энди у 1/2 финал чиптаси учун америкалик Жессика Пегулага қарши кортга чиқади.