Икки нафар каратэчимиз Жаҳон чемпионатида шоҳсупага кўтарилди

Мусобақанинг кечаги куни Ўзбекистон терма жамоаси учун анчайин муваффақиятли кечди.

Аёллар ўртасида 50 кг вазн тоифасидаги баҳсларда иштирок этган вакиламиз Гулшан Алимардонова кечаги баҳслар давомида Жаҳон чемпионатининг олтин медалини қўлга киритди. Бу тарихий натижа. Шу пайтга қадар Жаҳон чемпионатида ҳамюртимиз Дастонбек Отаболаев олтин медалини қўлган киритган бўлса, энди Гулшан Алимардонова ўз номини тарихга битиб қўйди. 

Гулшан юртимиз аёл каратэчилари орасида биринчи Жаҳон чемпиони сифатида ҳам тарихда қолади.

Бундан ташқари, яна бир ҳамюртимиз — Абдулваҳоб Рашидов мусобақада бронза медалини қўлга киритди. Бу натижа орқали у жамоамиз ҳисобига ушбу чемпионатдаги иккинчи медални ёзиб қўйди.