11 июн 10:17
Новости

Водные виды спорта

Икки пара сузувчимиз жаҳон сериясида шоҳсупага кўтарилди

Франциянинг Лимож шаҳрида пара сузиш бўйича жаҳон сериясига кирувчи халқаро мусобақа бўлиб ўтди.

Эътиборлиси, ушбу мусобақада икки нафар вакиламиз шоҳсупага кўтарилди. Аёллар ўртасида S13 классида 100 метр масофага баттерфляй усулида сузиш баҳсларида стартга чиққан ҳамюртимиз Муслима Одилова барча рақибларини ортда қолдирган ҳолда олтин медалга сазовор бўлди.

200 метр масофага комплекс усулда сузиш бўйича финалда Шохсанам Тошпўлатова эса маррага иккинчи бўлиб етиб келди ва делегациямиз ҳисобига кумуш медални қўшиб қўйди.