29 мар 10:12
Новости

Теннис

Иккинчи ракеткани мағлуб этган Сергей Фомин 1/2 финалда!

Мамлакатимизнинг иккинчи ракеткаси бу сафар ҳам Анталиядаги ITF 15 тоифасига кирувчи турнирда уч сетлик учрашув ўтказди.

Ҳамюртимиз дастлабки икки босқичда испаниялик теннисчиларни уч сет натижасига кўра мағлубиятга учратган эди. Мусобақада олтинчи рақам остида таснифланган теннисчимиз 1/4 финалда яна уч сетлик учрашув ўтказди. Бу сафар турнирнинг иккинчи ракеткасига чиқиш эшиклари кўрсатилди.

Фомин 2 соату 7 дақиқа давом этган баҳсда италиялик Габриэль Пираинони 6/2, 3/6, 6/1 ҳисобида таслим этди. Бу теннисчиларнинг ўзаро ўтказган илк учрашуви бўлди. Бугун Сергей финал чиптаси учун россиялик 22 ёшли Святослав Гулинга қарши кортга чиқади.

Таққослаш учун, Сергей Фомин айни пайтда ATP рейтингида 543, Гулин 475-ўринни эгаллаб турибди. Сергейнинг кечаги рақиби Габриэль Пираино эса рейтингнинг 429-поғонасидан жой олганди.