05 июл 11:44
Новости
Бокс/ММА
Илия Топурия: "Учта UFC камарини қўлга киритган биринчи жангчи мен бўламан"
Енгил вазн тоифасида UFC чемпионига айланган ярименгил вазннинг собиқ чемпиони Илия Топурия Лига раҳбарларига яримўрта вазнга ўтиш ҳақида гапирмасликка ваъда берганига қарамай, учинчи чемпионликни қўлга киритиш ниятида эканини айтди.
Эслатиб ўтамиз, яримўрта вазн тоифаси чемпиони Жек Делла Маддалена ўз унвонини Ислом Махачевга қарши жангда ҳимоя қилади. Жангчилар ўртасидаги баҳс ноябрь ойида Нью-Йоркдаги турнирда бўлиб ўтиши кутилмоқда.
"Идеал ҳолда, Ислам Махачев чемпион бўлишини истардим, UFC эса менга яримўрта вазн тоифасига кўтарилиб, учинчи камарни қўлга киритишимга рухсат беради. Мен ҳар доим айтганман, агар кимдир буни уддалаган бўлса, мен ҳам қила оламан. Агар буни ҳали ҳеч ким бажармаган бўлса, унда айнан мен биринчи бўламан. Шунинг учун мен бу онларни интиқлик билан кутаман", деди Топурия.
Ссылка :
Источник : fighttime.ru
Комментарии