16 мар 14:39
Новости

Теннис

Индиан-Уэллс "Мастерс" турнири жуфтлигида ғолиблар аниқланди

АҚШнинг Индиан-Уэллс шаҳри мезбонлигида ўтаётган "Мастерс" сериясига кирувчи турнирнинг жуфтлик баҳсларида ғолиблар маълум бўлди.

Ҳал қилувчи финал учрашувида нидерландиялик Уэсли Коольхоф ва хорватиялик Никола Мектич жуфтлиги испаниялик Марсель Гранольерс ҳамда аргентиналик Орасио Себальос ҳамкорлигини тай-брекларда 7/6(2), 7/6(4) ҳисобида мағлубиятга учратди.

1 соату 54 дақиқалик учрашув статистикаси:

Коольхоф/Мектич - 6 та эйс, 2 та қўшхато, брейк 0.

Гранольерс/Себальос - 4 та эйс, 1 та қўшхато, брейк 0.

Шу тариқа, Коольхоф жуфтлик фаолиятидаги 19, Мектич эса 28-совринини қўлга киритди. Чемпионлар 1000 рейтинг очкоси ва $447,300 доллар мукофот пулини қўлга киритишди. Гранольерс ва Себальос эса 600 очко ва $236,800 ишлаб олишди