09 мар 08:38
Новости

Бокс/ММА

Иноуэ: "Аҳмадалиев билан жанг қилишни интиқлик билан кутяпман, сабаби..."

Иккинчи энг енгил вазндаги мутлақ чемпион, япониялик проф бокс устаси Наоя Иноуэ WBA йўналиши бўйича мажбурий даъвогар Муроджон Аҳмадалиев билан эҳтимолий жангга муносабат билдирди.

Кеча The Ring нашри Иноуэ май ойидаги жангида ғалаба қозонган тақдирда, сентябрь ойида Токиода Муроджон Аҳмадалиев билан баҳс олиб бориши ҳақида хабар тарқатганди. Боксчининг ўзи бунга реакция билдирди:

"Сентябрь ойида Аҳмадалиевга қарши Японияда жанг қилишим керак. Буни интиқлик билан кутяпман. Чунки шундай кучли рақибларим бор экан, ўшандагина мен ўзимнинг энг яхши жангларимни кўрсатаман ва ўзим ҳам борлигини билмаган кучимни кўрсатишга интиламан. Ўйлайманки, Аҳмадалиев айнан шундай савиядаги жангчи. Бу жангда исталган дақиқада ўзимдан кутилмаган нарса кўрсатишимни кутаман", деди 31 ёшли чарм-қўлқоп устаси.