13 авг 16:17
Новости

Бокс/ММА

Иноуэ — Аҳмадалиев жанги учун чиқарилган чипталар икки соатда сотиб бўлинди

Хабарингиз бор, 14 сентябрь куни Япониянинг Нагоя шаҳридаги IG Arena мажмуасида йирик профессионал бокс оқшоми ташкил этилади.

Оқшомнинг марказий жанги иккинчи энг енгил вазн тоифасида япониялик мутлақ жаҳон чемпиони Наоя Иноуэ ҳамда WBA Interim камари соҳиби Муроджон Аҳмадалиев ўртасида бўлиб ўтади.

Хорижий манбаларнинг хабар беришича, жанг учун чиқарилган чипталарнинг барчаси атиги 2 соат ичида сотиб бўлинган. Нагоядаги янги қуриб битказилган IG Arena иншооти 17 минг мухлисга мўлжалланган.

Энг арзон чиптанинг нархи 85 АҚШ долларига баҳоланди. Энг қиммат чипта эса 1692 доллардан сотилди.