Иноуэ барча камарларини вакант қолдириб, Аҳмадалиевнинг вазнига ўтаётганини тасдиқлади

Энг енгил вазнда мутлақ жаҳон чемпиони, япониялик профессионал боксчи Наоя Иноэ (24-0) иккинчи энг енгил вазнга ўтаётгани ва ўз вазнидаги камарларни расман вакант қолдираётганини тасдиқлади.

"Бугун сўнгги тўрт йилу етти ойда қўлга киритган тўртта камаримни қайтаряпман. 2023 йилда мен иккинчи энг енгил вазнга ўтаман ва чемпионларни жангга чорлайман", - дея таъкидлаган япониялик чарм қўлқоп устаси.

Маълумот ўрнида, иккинчи энг енгил вазнда WBC ва WBO камарлари Стивен Фултонга (21-0), WBA ва IBF камарлари эса ҳамюртимиз Муроджон Аҳмадалиевга (11-0) тегишли бўлиб турибди.

Аввалроқ, Фултоннинг навбатдаги жангини бошқа вазнда ўтказиши ҳақида хабар берган эдик.