25 янв 15:58
Новости

Бокс/ММА

Иноуэ - Нери жанги 57 000 мухлисга мўлжалланган стадионда ўтказилиши мумкин

Биринчи ярименгил вазн тоифасида мутлақ жаҳон чемпиони Наоя Иноуэ ўзининг илк ҳимоя жангини ватанида ўтказиши мумкин.

У 6 май куни Токио шаҳридаги "Токио Доум" стадионида мексикалик собиқ жаҳон чемпиони Луис Нерига қарши рингга кўтарилади. Ушбу стадион 57 000 томошабинни ўз бағрига сиғдира олади. Сўнгги бор бу аренада 1990 йилнинг февраль ойида бокс жанг ўтказилганди. Ўшанда Бастер Дуглас шов-шувли тарзда афсонавий Майк Тайсонни нокаутга учратган эди.

Хабарда айтилишича, RIZIN промоушени томонидан RIZIN 47 турнири 6 майдан 29 апрелга кўчирилган. Токиода бир кунда иккита муҳим спорт тадбирини ўтказмаслик учун шундай қарорга келинган. Яқин орада бу ҳақда расман хабар берилади. Ҳозирча бокс оқшоми ташкилотчилари Иноуэ иштирокидаги жанг санаси ва манзилини расман тасдиқлашмаган.