29 сен 08:43
Новости

Бокс/ММА

Ислам Махачев - Жек Делла Маддалена оқшоми яна бир жанг билан бойиди

Хабарингиз бор, 15 ноябрь куни АҚШнинг Нью-Йорк шаҳридаги "Мэдисон Сквер Гарден" аренада UFC 322 турнири бўлиб ўтади.

Ташкилотчилар томонидан ушбу кард учун яна бир жанг қўшилди. Бу жанг енгил вазн тоифаси вакиллари - америкалик Бенил Дариуш ва франциялик Бенуа Сен-Дени ўртасида бўлиб ўтади.

Дариуш июнь ойида Ренато Мойканони мағлубиятга учратган эди. 37 ёшли аралаш яккакураш устаси бунга қадар Чарльз Оливейра ва Арман Царукянга муддатидан аввал нокаут билан ютқазганди.

Бенуа Сен-Дени эса уч ҳафта аввал бразилиялик Маурисио Руффини иккинчи раундда бўғиш усули эвазига таслим этганди. 29 ёшли француз Руффига қадар Кайл Преполекни учбурчак бўғиш усули эвазига мағлубиятга учратганди.

Айни пайтда Бенил Дариуш UFC енгил вазн тоифаси рейтингида 9, Бенуа Сен-Дени эса 13-ўринни эгаллаб турибди.