15 мар 17:31
Новости

Бокс/ММА

Ислам Махачев нега UFC унга март ойига жанг ташкил қилмаганини тушунтирди

Енгил вазнда амалдаги UFC чемпиони Ислам Махачев промоушен раҳбарлари билан олиб борган музокараси ҳақида гапириб берди.

Махачев UFC раҳбари Дана Уайтдан март ойига, ташкилот эса аксинча, февраль ойига жанг ташкил қилиб беришини сўраган. Натижада томонлар вақт масаласида келиша олишмаган.

"Менда кичик жароҳат бор эди. Ҳозир ҳаммаси жойида. Мен UFC`дан март ойига жанг сўрагандим. Лекин улар мендан февралда октагонга чиқишимни сўрашди. Март ойига 100 фоиз тайёр бўлишимни айтдим. Аммо улар бу ой учун сенга муносиб рақиб йўқ дейишди. Шунда мен: "Окей, камар менда, рақиб беринглар, мен ўша пайтга тайёр бўламан деб айтдим", — деди Махачев MMAJunkie каналига берган интервьюсида.

Аввалроқ, Ислам Махачев америкалик Дастин Порье билан июнь ёки июль ойида жанг қилмоқчи эканини айтганди. Россиялик аралаш яккакураш устаси йил сўнггига қадар яна битта жанг ўтказмоқчи.