16 ноя 11:42
Новости

Бокс/ММА

Ислам Махачев: "Оқ уй эшикларини очинглар, биз келяпмиз!"

Россиялик 34 ёшли аралаш яккакураш устаси бугунги тарихий ғалабасидан кейин октагоннинг ўзида шарҳловчи Жо Роганга интервью берди.

Эндиликда икки вазн чемпиони ҳисобланувчи Ислам Махачев Жек Делла Маддаленага қарши кечган жанг баробарида кейинги режаларига ҳам тўхталди.

"Бу орзу. Бутун умрим давомида ана шу икки вазн тоифаси чемпионлик камарини орзу қилганман. Ва ниҳоят, мен уларга эришдим. Камарлар яхшигина оғир, лекин улар менга ёқяпти. Нью-Йорк, раҳмат!

Сиз ҳаётим қанчалик ўзгариб кетганини ҳатто тасаввур ҳам қила олмайсиз. Энди ортиқча вазн ташлаш каби бошоғриқлар йўқ. Бу жуда ҳам осон бўлди.

Режаларим? Бу борада ҳеч қандай сир йўқ. Ҳар бир рақибим мен нима қилаётганимни билади. Лекин ҳеч ким мени тўхтата олмаяпти.

Оқ уй эшикларини очинг, биз келяпмиз!", — деди икки вазн чемпиони Махачев.