25 дек 08:45
Новости

Бокс/ММА

Ислам Махачев учта вазнда илк UFC чемпиони бўлмоқчи

Бу ҳақда Ислам Махачевнинг мураббийи Хавьер Мендес хабар бермоқда.

Енгил вазнда амалдаги UFC чемпиони Ислам Махачев яна икки вазн тоифасида чемпион бўлиш учун имконияти юқори экан. Бу ҳақда россиялик чемпионнинг мураббийи Хавьер Мендес The Schmo нашрига берган интервьюсида маълум қилди.

"Ҳа, бунинг учун Исламда потенциал, яъни имконият ва салоҳият 100 фоиз. Унинг интеллекти, жангдаги фикрлаши руҳияти бунга имкон беради. Фақат бунинг учун унинг ўзида хоҳишнинг бўлиши ҳамда UFC раҳбариятининг ўзи ҳам бунга имконият яратиб бериши керак. Шахсан мен бу ишнинг амалга ошишига ишоняпман", - деди америкалик мураббий.

Эслатиб ўтамиз, Ислам Махачев 18 январь куни АҚШда ўзининг тўртинчи чемпионлик ҳимоя жангида ҳамюрти Арман Царукянга қарши октагонга чиқади. Ушбу жанг UFC 311 турнирининг марказий тўқнашуви бўлади.