14 мар 07:01
Новости
Бокс/ММА
Исроил Мадримов нокаут бўлган Магомед Курбановнинг кейинги жанги ҳақида маълумот берилди
RCC Boxing Promotions промоутерлик компанияси раҳбари Герман Титов россиялик боксчи Магомед Курбанов ҳақида гапирди.
Курбанов ўтган ҳафта ҳамюртимиз Исроил Мадримов билан жанг қилиб, 5-раундда техник нокаут эвазига мағлуб бўлган эди. Титовнинг сўзларига кўра, Магомед энди франциялик Мишель Сорога қарши реванш жангини ўтказиши керак.
"Ҳозир Магомед муҳим қарорни қабул қилиши керак. Бу фақатгина Магомеднинг ўзини қарори бўлади. Агар у фаолиятини давом эттирадиган бўлса, унинг Мишель Соро билан якунланмай қолган ишлари бор", - деди Герман Титов.
Эслатиб ўтамиз, бу боксчиларнинг Россияда ўтган жангида Курбанов ҳакамларнинг баҳсли қарори билан ғалаба қозонган эди. Ўша жангдан кейин ҳатто россияликларнинг ўзлари ҳам ҳакамларни танқид остига олишганди.
Ссылка :
Источник : RCC
Комментарии