14 янв 15:24
Новости

Бокс/ММА

Исроил Мадримов Ортисга қарши жанг ҳақида нималар деди?

Кеча Лондон (Буюк Британия) шаҳрида Дмитрий Бивол — Артур Бетербиев II бокс оқшоми олдидан расмий матбуот анжумани ташкил этилди.

Унда ўзбекистонлик чарм қўлқоп устаси, собиқ WBA чемпиони Исроил Мадримов ҳам иштирок этди. 22 февраль куни Ар-Риёд (Саудия Арабистони)да ўтказиладиган бокс оқшоми доирасида Мадримов WBC Interim чемпиони Вержил Ортис билан тўқнаш келади.

"Бу ерда эканимдан ва шундай бокс оқшомида жанг қилишимдан шунчаки хурсандман. Ин Ша Аллоҳ, яхши жанг кўрсатаман", дея матбуот анжуманида ўз фикрини билдирди ҳамюртимиз.

Маълумот ўрнида, Исроил Мадримов сўнгги жангини Теренс Кроуфордга қарши ўтказиб, ҳакамларнинг қарорига кўра очколар ҳисоби бўйича мағлуб бўлганди. Ортис эса охирги жангида украиналик Сергей Богачукдан устун келган.