Исроил Мадримов россиялик Жаҳон чемпиони билан жанг қилиш истагида — манба

Пагмайрнинг сўзларига кўра, Исроил яна бир-иккита жангдан кейин IBF камари соҳиби Бахрам Муртазалиевга қарши рингга кўтарилиш ниятида.

"Исроил Мадримов Кроуфорд ва Ортис билан жангда орттириб олган бурнидаги ва бошқа жароҳатлардан тикланмоқда. Режа бўйича у бир ёки иккита жанг ўтказиб, кейин супер ярим ўрта вазнда IBF чемпиони Бахрам Муртазалиевга қарши чиқмоқчи", деб ёзган Пагмайр ўзининг X саҳифасида.

Маълумот учун, 30 ёшли Хоразмда туғилган Исроил Мадримов проф фаолияти давомида 13 та жанг ўтказиб, 10 та ғалаба, 2 та мағлубият ва 1 та дуранг қайд этган. 32 яшар россиялик Бахрам Муртазалиев ҳисобида эса бирорта мағлубиятсиз 23 та ғалаба мавжуд.