29 авг 09:06
Новости

Бокс/ММА

Исроил Мадримов ва яна бир боксчимиз WBC рейтингига киритилди

Хабар берганимиздек, Бутунжаҳон бокс иттифоқи (WBC) август ойи учун янгиланган рейтингни эълон қилди.

Эътиборлиси, бу сафар яна икки нафар ўзбекистонлик чарм қўлқоп устаси рейтингдан жой олди. Улар WBA камари учун жанг қилган Отабек Холматов ҳамда ушбу камарнинг собиқ чемпиони Исроил Мадримовдир.

Супер ярим ўрта вазн тоифасида собиқ WBA чемпиони Мадримов янгиланган рейтингда 3-ўринга жойлаштирилди. У WBC рейтингида сўнгги бор январь ойида 8-ўринда қайд этилган эди.

Ярим енгил вазн тоифасида WBA камари учун жанг қилиб, мағлуб бўлган ҳамюртимиз Отабек Холматов эса рейтингда 18-ўринни эгаллади. У 2023 йил декабрь ойида ўзи киритилган сўнгги рейтингда 7-ўринда эди.