08 дек 08:44
Новости

Бокс/ММА

Исроил Мадримовнинг жанги бекор қилинди

21 декабрь куни Саудия Арабистонининг Ар-Риёд шаҳрида профессионал бокс оқшоми ташкил этилади.

Мусобақанинг иккинчи асосий жангида супер ярим ўрта вазн тоифасида ўзбекистонлик собиқ жаҳон чемпиони Исроил Мадримов Украина вакили Сергей Богачукка қарши рингга чиқиши керак эди.

Бироқ Саудия Арабистони кўнгилочар бошқармаси раҳбари Турки ал аш-Шейхнинг маълум қилишича, Мадримов ўткир бронхит туфайли мазкур жангда иштирок эта олмайди.

Унинг ўрнини 21 декабрь куни англиялик Ишмаэль Дэвис эгаллайди.

Исроил эса эндиликда 2025 йилнинг 22 февраль куни Вержил Ортис билан жанг қилади.