Истбурн турнири бош соврини кимга насиб этди?

Дунёнинг 19-ракеткаси бўлиб турган Франциско Черундоло финал баҳсида рейтингда ўзидан икки поғона юқорида жойлашган америкалик Томми Полни уч сет натижасига кўра мағлубиятга учратди - 6/4, 1/6, 6/4. Черундоло бу билан теннисчиларнинг ўзаро учрашувларида ҳам ҳисобда олдинга чиқиб олди - 2:1. 

Бир соату 51 дақиқа давом этган учрашувда Черундоло 2, Пол эса 5 та эйс зарбасини амалга оширди. Қўшхатолар Полда кўпроқ бўлди - 5 на 2. Франциско Истбурндаги муваффақиятли иштирокидан 250 рейтинго очкоси ҳамда 110,070 евро мукофот пули ишлаб олди.