IWF президенти Муҳаммад Жалуд билан учрашув ўтказилди

Кеча IWF раҳбари Ўзбекистон Спорт вазирлиги ва Миллий Олимпия Қўмитаси раҳбарияти билан учрашди.

Даставвал, мартабали меҳмон “Олимпия шаҳарчаси”ни айланиб, унинг имкониятларини шахсан кўздан кечирди ва бу комплекс ўзбек спортининг ривожини янги босқичга олиб чиқиши ҳақида гапирди. Ҳамкорлик масалалари кўриб чиқилган учрашувда жаноб Жалуд мамлакатимизда спорт соҳасида олиб борилаётган сўнгги ислоҳотлар билан танишар экан, айни пайтда ўтказилаётган “Президент Олимпиадаси” мусобақалари ҳақида ўзининг ижобий фикрларини билдириб ўтди.

Самимий руҳда ўтган учрашувда Ўзбекистон ва IWF ўртасидаги ҳамкорлик алоқаларини янада кучайтириш, келгусида нуфузли халқаро мусобақаларга мезбонлик қилиш борасида фикрлар алмашилди.