10 апр 13:27
Новости

Теннис

Жабер - Charleston Open чемпиони!

Тунислик Онс Жабер АҚШнинг Чарльстон шаҳрида якунига етган WTA турнири ғолибасига айланди.

Ушбу чемпионлик сабаб WTA рейтингида 5-поғонадан 4-ўринга кўтарилиб олган Онс ҳал қилувчи финал учрашувида дунёнинг 11-ракеткаси, швейцариялик Белинда Бенчични 7/6(6), 6/4 ҳисобларида мағлуб этди.

Икки соату 1 дақиқа давом этган баҳсда Жабер 9 та эйс, 4 та қўшхато ва 4 та брейк қайд этди. Теннисчиларнинг ўзаро учрашувларида Онс ҳисобда олдинга ўтиб олди - 3:2.

Шу тариқа, тунислик 28 ёшли теннисчи мавсумдаги биринчи, фаолиятидаги тўртинчи совринини қўлга киритди. Шунингдек, у айнан ўтган йилги Чарльстон турнири финалидаги мағлубият учун ҳам реванш олди. Онс Credit One Charleston Open турниридаги иштирокидан 470 рейтинг очкоси ҳамда 120,150 АҚШ доллари миқдорида мукофот пули ишлаб олди.