28 авг 18:41
Новости

Дзюдо

Жаҳон чемпионати бронза медали учун кечадиган баҳсдаги рақибимиз маълум

Босния ва Герцеговиниянинг Сараево шаҳрида дзюдо бўйича кадетлар ўртасидаги жаҳон чемпионати давом этмоқда.

Айни дақиқаларда мусобақанинг сўнгги кунидан ўрин олган жамоавий баҳслар ўтказилмоқда. Бироз аввал саралаш беллашувлари якунланиб, жаҳон чемпионатининг медаллари учун татамига чиқадиган жуфтликлар маълум бўлди. Ўзбекистон терма жамоаси ўтиш баҳсида Канададан 4-1 ҳисобида устун келганди.

Ҳозиргина ярим финалдан ўрин олган Франция - Тунис учрашувида терма жамоамизнинг бронза медали учун кечадиган беллашувдаги рақиби маълум бўлди. Унда франциялик дзюдочилар 4-1 ҳисобида зафар қучиб, финалга йўл олди. Тунис эса энди Ўзбекистон терма жамоасига қарши баҳс олиб боради.