27 мар 15:05
Новости

Зимние виды спорта

Жаҳон чемпионати. Гейниш ва Чигирёв қисқа дастур якунига кўра, 23 жуфтлик орасида 11-натижани қайд этди

Бостонда старт олган фигурали учиш бўйича катталар ўртасидаги Жаҳон чемпионатининг илк кунида жуфтлик йўналишидаги қисқа дастур баҳслари ўтказилди.

Унда Ўзбекистон терма жамоаси аъзолари Екатерина Гейниш ва Дмитрий Чигирёв 62.33 баллга лойиқ кўрилди.

Дастурда Япония вакиллари — Рику Миура ҳамда Рюичи Кихара 76.57 очко билан ғолиб бўлди ва олтин медалга эга чиқди. Италиялик Сара Конти ва Николо Маччи 74.61 балл билан кумуш медални қўлга киритган бўлса, Германия терма жамоаси аъзолари Минерва Хасе/Никита Володин учинчи бўлишди (73.59).

Гейниш ва Чигирёвнинг натижаси ўн биринчи бўлди. Бизнинг вақт билан эртага тонг саҳарда спортчиларимиз мусобақанинг эркин дастурида иштирок этади. Вакилларимизнинг чиқиши Тошкент вақти билан соат 5:00 дан сўнг бошланади.