28 авг 15:32
Новости

Дзюдо

Жаҳон чемпионати. Мўғулистон мағлуб этилди. Навбат - Украинага!

Босния ва Герцеговиниянинг Сараево шаҳрида дзюдо бўйича кадетлар ўртасидаги жаҳон чемпионати давом этмоқда.

Айни дақиқаларда мусобақанинг сўнгги куни жамоавий баҳслар ўтказилмоқда. Ўн тўрт давлат орасида Тоҳир Файзиев мураббийлигидаги Ўзбекистон терма жамоаси ҳам медаллар учун курашяпти.

Ҳозиргина Ўзбекистон терма жамоаси гуруҳ босқичининг илк даврасида мўғулистонлик дзюдочиларга қарши кечган муросасиз баҳсни якунлади ва 4-2 ҳисобида ғалаба қозонди. Энди дзюдочиларимизни иштирокини тўғридан-тўғри иккинчи даврадан бошлайдиган Украина терма жамоаси кутиб турибди.