06 сен 14:01
Новости

Дзюдо

Жаҳон чемпионати қаҳрамонлари Ватанга қайтишди + ФОТО

Перу давлати пойтахти Лима шаҳри дзюдочи бўйича ўсмирлар ўртасидаги жаҳон чемпионатига мезбонлик қилди.

Дунё биринчилигида 4 қитъанинг 49 давлатидан жами 405 (223 ўсмир, 182 қиз) нафар дзюдочи медаллар йўлида татамига чиқди. Ушбу жаҳон чемпионатида юртимиз шарафини Тоҳир Файзиев мураббийлигидаги истеъдодли дзюдочиларимиздан Иноят Телманов (-66 кг) ва Иномжон Баҳодиров (-73 кг) ҳимоя қилди ва уларнинг ҳар иккиси ҳам бронза медалини қўлга киритди.

Бугун тонгда истеъдодли дзюдочиларимиз Тоҳир Файзиев бошчилигида океан ортидан Ватанимизга ёруғ юз билан қайтиб келишди. Уларни Ўзбекистон дзюдо федерацияси мутасаддилари кутиб олишди.