16 мая 08:46
Новости

Дзюдо

Жаҳон чемпионатида тарихий натижа қайд этган дзюдочиларимиз муносиб кутиб олинди ФОТОРЕПОРТАЖ

Ўзбекистон дзюдоси тарихида илк бор катталар ўртасидаги жаҳон чемпионатининг 4 та медалини қўлга киритган терма жамоамиз юртмизга қайтиб келди.

Дзюдочиларимизни Ислом Каримов номидаги Тошкент халқаро аэропортида Ёшлар сиёсати ва спорт вазири ўринбосари Шаҳрилло Маҳмудов бошчилигидаги мутасаддилар, Миллий Олимпия қўмитаси ва мамлакат дзюдо федерацияси вакиллари, спортчиларнинг оила аъзолари, оммавий ахборот воситалари ходимлари ҳамда кенг спорт жамоатчилиги қарши олди.

Шаҳрилло Маҳмудов Қатардаги тарихий натижа билан мураббийлар ва дзюдочиларни қутлаб, кейинги мусобақаларда ҳам ғалабалар бардавом бўлишини тилади.

Жаҳон чемпионати совриндорлари:

Кумуш медаль соҳиблари

-52 кг: Диёра Келдиёрова

-60 кг: Дилшодбек Баратов

Бронза медаль соҳиблари

-73 кг: Муроджон Йўлдошев

+100 кг: Алишер Юсупов