Жаҳон чемпионатига тайёргарлик масалалари муҳокама қилинди + ФОТО

Юртимизда илк бор ташкил этиладиган ушбу нуфузли мусобақага тайёргарлик ишлари аллақачон бошлаб юборилган. 

Дунёнинг юздан зиёд давлати дзюдочилари иштирокида ўтадиган жаҳон чемпионатини юқори савияда ташкил этиш, юртимизга келадиган меҳмонлар учун барча қулайликларни муҳайё этиш, уларнинг яхши таассуротлар билан қайтишлари учун ҳозирданоқ зарурий чора-тадбирлар кўрилмоқда. 

Ўзбекистон дзюдо федерациясида ўтган Азизжон Камилов бошчилигида жаҳон чемпионати ишчи гуруҳининг навбатдаги йиғилишда ҳам ушбу масалалар атрофлича муҳокама қилинди. 

Жаҳон чемпионати иштирокчилари (спортчи, мураббий, ҳакам), фахрий меҳмонлар, делегацияларни кутиб олиш ҳамда меҳмонхоналарга жойлаштириш, уларга юқори сервис хизматини кўрсатиш масалалари кўриб чиқилди.

Ишчи гуруҳнинг ҳар бир аъзосига зиммасига юклатилган вазифаларга масъулият билан ёндашиш лозимлиги айтилди.