Жаҳон чемпионатининг 8-турида қолган шахматчиларимиз қандай натижа қайд этишди?

Бироз аввал рапид йўналиши бўйича 8-тур учрашувлари якунланди. Рапид бўйича амалдаги жаҳон чемпиони Нодирбек Абдусатторов 8-турда оқ доналарда россиялик Владимир Федосеев билан муросага келди. Бу билан Нодирбек очколари сонини 6,5 тага етказиб, қўшимча коэфицентларга кўра 2-ўринга кўтарилиб олди. Бу турда амалдаги жаҳон тожи соҳиби Магнус Карлсен россиялик Даниил Дубов билан дуранг ўйнади. 

Биринчи аёл гроссмейстеримиз Нафиса Мўминова қора доналарда ҳаракат қилди ва 12-жаҳон чемпиони, россиялик Александра Костенюкка имкониятни бой бериб қўйди. Бу турда Умида Омонова ғалаба қозонди, Афруза Ҳамдамова эса ютқазди.  

Қувонарлиси, Жавоҳир Синадаров, Шамсиддин ва Жаҳонгир Воҳидов, Муҳиддин Мадаминов бу турда рақибларини мағлуб эта олишди. 

Шахматчиларимизнинг 8-турдаги натижалари (эркаклар): 

Нодирбек Абдусатторов (2676) - Владимир Федосеев (FIDE, 2741) 0,5-0,5

Иван Чепаринов (Болгария, 2652) - Нодирбек Якуббоев (2573) 0,5-0,5

Васиф Дурарбайли (Озарбайжон, 2513) - Жавоҳир Синдаров (2596) 0-1

Рамазан Жалмаханов (Қозоғистон, 2399) - Жаҳонгир Воҳидов (2529) 0-1

Лев Зверев (FIDE, 2257) - Шамсиддин Воҳидов (2481) 0-1

Сринат Нараянан (Ҳиндистон, 2518) - Муҳиддин Мадаминов (2337) 0-1

Муҳаммадзоҳид Суяров (2089) - Аржун Калян (Ҳиндистон, 2426) 0-1

Фредерик Свен (Германия, 2466) - Ҳумоюн Бегмуратов (2292) 1-0

Қизларимизнинг 6-турдаги натижалари:

Александра Костенюк (FIDE, 2537) - Нафиса Мўминова (2242) 1-0

Умида Омонова (2059) - Номин-Эрдене (Мўғулистон, 2304) 1-0 

Афруза Ҳамдамова (2052) - Роут Радмини (Ҳиндистон, 2290) 0-1