06 янв 07:33
Новости

Фехтование

Жаҳон кубоги финалида икки ўзбек қиличбози тўқнаш келди

Қиличбозликнинг сабля йўналиши бўйича Ўзбекистон ёшлар терма жамоаси Колумбиянинг Богота шаҳрида ўтказилаётган ёшлар ўртасидаги Жаҳон кубоги босқичида иштирок этяпти.

Мусобақанинг йигитлар ўртасидаги яккалик беллашувлари спортчиларимиз учун омадли ўтиб, қиличбозларимиз барча турдаги медалларга эга чиқди.

Муросасиз баҳслар якунида икки ўзбек спортчиси — Муса Аймуратов ҳамда Сардор Абдукаримбеков олтин медаль учун кураш олиб боришди. Унда Аймуратовнинг қўли баланд келиб, ғолибликни қўлга киритди.

Шунингдек, яна бир юртдошимиз Алпамис Уракбаев бронза медалларидан бирига сазовор бўлди.