12 апр 07:46
Новости

Спортивная борьба

Жасмина Иммаева Осиё чемпионати кумуш медали соҳибаси

Спорт курашлари бўйича Ўзбекистон терма жамоаси Қозоғистонда ўтаётган Осиё чемпионатининг учинчи кунида яна бир медалга сазовор бўлди.

Аёллар кураши баҳсларининг -50 кг вазн тоифасидаги беллашувларида юртимиз шарафини ҳимоя қилган Жасмина Иммаева финалга қадар мағлубиятсиз етиб бориб, якунда кумуш медаль соҳибасига айланди. Юртдошимиз олтин медаль учун кечган баҳсда япониялик жаҳон чемпиони Ремина Яшимотога имкониятни бой берди.

Бу Жасмина Иммаева фаолиятидаги Осиё чемпионатларидаги учинчи медаль бўлди. Яна бир курашчимиз, ўсмирлар Олимпиадаси кумуш медали соҳибаси Шоҳида Аҳмедова бронза медали учун кечган беллашувда япониялик Рино Катаокага 4-10 ҳисобида ютқазиб қўйди.