15 янв 12:55
Новости

Бокс/ММА

Жастин Гэтжининг навбатдаги рақиби ким бўлиши маълум

Америкалик аралаш яккакураш устаси, енгил вазн тоифасида UFC Interim собиқ чемпиони Жастин Гэтжининг навбатдаги жанги бўйича тафсилотлар маълум бўлди.

36 ёшли спортчининг 9 март куни АҚШнинг Лас-Вегас шаҳридаги T-Mobile Arena мажмуасида ташкил этиладиган UFC 313 турнири доирасида октагонга қайтиши кутилмоқда. Унга ўша куни Янги Зеландия вакили Дэн Хукер рақиблик қилади.

Оқшомнинг марказий жанги бразилиялик спортчилар — Аманда Лемос ва Ясмин Лусиндо ўртасида кечади.

Маълумот учун, Гэтжи фаолияти давомида 30 та жанг ўтказиб, 25 ғалаба ва 5 мағлубият қайд этган. BMF собиқ чемпиони сўнгги жангини 2024 йил апрель ойида Макс Холлоуэйга қарши ўтказиб, мағлуб бўлганди. 34 яшар Дэн Хукернинг ҳисобида эса 24 ғалаба ва 12 мағлубият бор. Хукер ўтган йилнинг август ойида ўтказган ўзининг охирги жангида Матеуш Гамротдан устун келганди.