16 окт 12:17
Новости
Теннис
Жессика Пегула Сеул турнири ғолибаси!
Дунёнинг тўртинчи ракеткаси Жессика Пегула Жанубий Корея пойтахти Сеул шаҳрида якунланган WTA турнири чемпионига айланди.
Америкалик теннис маликаси финал учрашувида WTA рейтингида 128-поғонада бораётган хитойлик Юэ Юанни ортиқча қийинчиликсиз мағлубиятга учратди - 6/2, 6/3. Теннисчиларнинг ўзаро учрашувларидаги ҳисоб 2:0 кўринишига келди.
Саксон тўрт дақиқа давом этган баҳсда Пегула 1, Юань 2 та эйс зарбасини амалга оширган. Қўшхатолар ҳар икки теннисчида 2 тани ташкил қилган. Жессика 6, Юэ 2 та брейк қайд этди. Hana Bank Korea Open турниридаги иштирок Пегулага 280 рейтинг очкоси ҳамда 34,228 доллар мукофот пули келтирди. Бу америкалик учун фаолиятидаги тўртинчи WTA соврини бўлди.
Ссылка :
Источник : gotennis
Комментарии