30 ноя 09:34
Новости

Бокс/ММА

Жо Роган UFC’да кўзга зарба бериш муаммосига ечим таклиф қилди

Америкалик 57 ёшли таниқли подкастер ва UFC шарҳловчиси Жо Роган UFC жангларида кўзга қўлни суқиб олиш ҳолатларидан халос бўлиш учун нима қилиш кераклиги ҳақида фикр билдирди.

"Мен буни доимо такрорлайман. Фикримча, жангчилар бармоқларининг учини ёпишлари шарт. Уларни очиқ қолдиришга ҳеч қандай сабаб йўқ. Бу йигитларнинг курашишига халақит бермайди, зарба бериш техникасига таъсир қилмайди. Ҳеч нарса ўзгармайди.

Бу билан жароҳатларнинг олди олинади. Агар жангчининг кўзига зарба берилса, бу бармоқ тўғридан-тўғри кўз қисмига тегмайди", - дея Роганнинг сўзларини келтиради Middle Easy портали.

Эслатиб ўтамиз, яқинда оғир вазн тоифасидаги чемпионлик жанги айнан шу ҳолат сабаб биринчи раунддаёқ тўхтатилганди.