10 сен 13:27
Новости

Бокс/ММА

Жо Роган Хабиб Нурмагомедовнинг рекордини шубҳа остига олди

2020 йилда фаолиятини 29-0 рекорд билан якунлаган Хабиб Нурмагомедов мағлубиятсиз жангчи сифатида "нафақа"га чиқмаслиги керак эди, дейди дунёнинг энг кучли Лигаси шарҳловчиси Жо Роган.

Америкаликнинг сўзларига кўра, Хабибга 2012 йилда бразилиялик Глейсон Тибау мағлубият тақдим этган.

"Рекордга қарайдиган бўлсак, Хабибда мағлубият йўқ, аммо битта жанг қаршисида юлдузча турибди. Бу юлдузча - Глейсон Тибоу. Ўша жанг жуда яқин бўлган ва менимча, Хабиб ютқазганди. Айнан шу йигит уни енгиши керак эди. Бу Нурмагомедовнинг UFC’даги фаолиятининг бошланиши эди", - деди Роган.

Жо Роган россиялик жангчининг мағлубияти ҳақида биринчи марта гапирмаяпти. Ўтган йилнинг октябрь ойида Дональд Трамп билан бўлган подкастда ҳам шарҳловчи Тибау билан жанг ҳақида гапириб, Нурмагомедов уни "ютқазиши мумкин эди" деган фикрни эҳтиёткорлик билан билдирган эди.