03 мар 16:51
Новости
Теннис
Жокович кетма-кет 20-учрашувида ғалаба қозониб, Дубай турнири ярим финалчисига айланди
БААнинг Дубай шаҳри мезбонлик қилаётган АТР-500 тоифасидаги турнирнинг ярим финалчилари аниқланди.
Сайёрамизнинг биринчи ракеткаси сербиялик Новак Жокович турнирнинг чорак финалида АТР рейтингида 11-ўринда бораётган польшалик Хуберт Хуркачни мағлуб этди.
Бир соату 20 дақиқа давом этган учрашувда Жокович 6/4, 7/5 ҳисобида ғалаба қозонди. Шу тариқа, сербиялик теннисчи ўзаро ўйинлардаги ҳисобни ўз фойдасига 5:0 кўринишига келтирди. Бу Жокович учун кетма-кет 20-ғалаба бўлди. У ноябрдаги "Мастерс" мусобақачидан бери ютқазмаяпти.
Dubai Duty Free Tennis Championships турнирининг ярим финалида Жокович Даниил Медведевга қарши баҳс олиб боради.
Ссылка :
Источник : gotennis.ru
Комментарии