14 июл 20:45
Новости

Теннис

Жокович - Синнер учрашувида "Уимблдон"нинг илк финалчиси аниқланди + ФОТОГАЛЕРЕЯ

Лондон шаҳрида давом этаётган "Катта Дубулға" туркумига кирувчи Уимблдон турнирининг эркаклар ўртасидаги яккалик баҳсларида илк финалчи маълум бўлди.

Биринчи 1/2 финал учрашувида дунёнинг иккинчи ракеткаси, сербиялик Новак Жокович ATP рейтингида 8-ўринни эгаллаб турган италиялик Янник Синнерга қарши кортга чиқди.

Икки соату 49 дақиқа давом этган баҳсда Новак рақибини 6/3, 6/4, 7/6(4) ҳисобларида мағлубиятга учратди. Бу теннисчиларнинг ўзаро ўтказган учинчи учрашуви сифатида тарихга кирди - 3:0.

Ярим финал статистикаси:

Эйслар: Жокович - 11, Синнер - 8

Қўшхатолар: Жокович - 0, Синнер - 3

Брейклар: Жокович - 2, Синнер - 0.

Эътиборлиси, Новак фаолиятида бешинчи бор Уимблдон турнирининг финалига йўл олди. У ушбу турнирда қаторасига 34-ғалабасини қўлга киритди. Унинг финалдаги рақиби Карлос Алькараз (Испания) - Даниил Медведев (Россия) баҳсида аниқланади.