Жон Жонс ҳам промоушен бизнесига кириб келди. У эгалик қиладиган Лигада ўзбекистонлик спортчи ҳам бор!

Бу ҳақда Жонснинг ўзи маълум қилди.

"Биринчи турнирдаёқ ҳайратда қолдим. Бу жанг санъати оламида ҳақиқий кучга айланишига ишонаман. Бу лойиҳа билан менинг исмим боғланганидан фахрланаман", деди Жонс.

Dirty Boxing Championship ўтган йили Майк Перрини ўз ичига олган гуруҳ томонидан ташкил этилган. Ҳозирча Лига биргина мусобақа ўтказди. 2024 йилнинг ноябрь ойида бўлиб ўтган турнирда ўзбекистонлик Анвар Бойназаров бразилиялик Тиаго Бельони нокаутга учратганди.