Жон Жонс Сергей Павлович билан қандай шарт эвазига жанг қилиши мумкинлигини айтди

Жонс агар Лига унга рад эта олмайдиган молиявий таклиф берса, Стипе Миочич билан жангдан сўнг Сергей Павлович билан учрашишга тайёр эканлигини билдирди.

"Ҳамма Сергей Павлович ҳақида гапирмоқда. Сергей бу - катта чақирув, лекин унинг кимлигини ҳеч ким билмайди. Кўпчилик уни танимайди. Ўйлайманки, UFC таҳлилчиси Люк Томас "жуда паст мукофот учун юқори хавф" деганида энг яхшисини айтди.

Фрэнсис Нганну билан жанг бўлган тақдирда, бу пулга ва таваккал қилишга арзир эди. Яна ҳам ким билади? Эҳтимол, агар UFC керакли миқдорни таклиф қилса, биз бу ғояни Сергей билан амалга оширишимиз мумкин, аммо ҳозир менда барча ютуқлар бор ва мен ҳеч нарсани исботлашим шарт эмас.

Ҳозир менинг мақсадим Madison Square Garden'да Стипе Миочичга қарши катта жанг ўтказиш ва уни якунлаш. Ўйлайманки, Стипе билан жанг менга етарли бўлади. Стипе Миочични мағлуб этганимдан кейин ҳеч нарсани исботлашим шарт эмас деб ўйлайман", - деди Жон Жонс.