Жошуанинг жамоаси Жейк Пол билан музокара олиб борилаётганини тасдиқлади

Аввалроқ, ушбу жангнинг ташкил этилиши ҳақида хабарлар тарқаганди. Британиялик боксчининг жамоасидагилар бу хабар асосга эга экани, айни пайтда чиндан ҳам томонлар ўртасида музокара кетаётганини тасдиқлашди. 

Энтони Жошуанинг промоутери Эдди Хирннинг айтишича, Турки Ал аш-Шейхнинг шахсан ўзи ушбу жангнинг ўтказилишига катта қизиқиш билдирмоқда. Жейк Пол мексикалик Хулио Сезар Чавесни мағлубиятга учратганидан кейин айнан Жошуага "вызов" ташлаганди. 

"Ҳа, биз бу жангни муҳокама қилдик – мен кеча Турки Ал аш-Шайх билан шу масалада учрашиб, гаплашиб олдим. Туркининг ўзи ҳам Жейк Пол билан кўришган. Тўғриси, биз буни кутмагандик. Жошуа Полга қарши жанг ўтказади, деган жумланинг ишлатилиши ўзи кулгули. Лекин воқеалар ривожи биз кутмаган томонга қараб кетмоқда. Лекин бизнинг асосий режамиз – келаси йили Тайсон Фьюрига қарши жанг ўтказиш. Аммо орада Жейк Пол билан жанг ташкил қилсак ҳам ёмон бўлмайди. Эй Жей буни катта хурсандчилик билан амалга қабул қилади", – дея Pro Boxing Fans нашрига интервью берган Хирн.