10 ноя 13:10
Новости

Жозе Моуриньо: "Рома"да фақат бир футболчи бу мағлубиятга лойиқ эмасди"

"Рома" бош мураббийи Жозе Моуриньо Европа лигаси доирасида "Славия"дан учралган мағлубиятдан сўнг (0:2) ўз фикрларини билдирди.

"Бизга бугун кўп нарса етишмади. Кўп гапиришни истамайман. Натижа адолатдан бўлди. Ўйинимизда менга ёққан нимадир кўринмади. Мен журналистлар билан гаплашгунча, кийиниш хонасида футболчилар билан мулоқот қилиб улгурдим. Ҳеч қачон бундай қилмасдим. Гап-сўзлар орамизда қолади. "Славия"даги йигитларга нисбатан адолатли бўлиш керак - улар ғалабага тўлиқ лойиқ эдилар.

Бизда ҳисобни 1:1 кўринишига келтириш имконияти бўлганди, аммо умумий ҳолатда бу жуда ёмон ўйин эди. Менга ёққан яна бир жиҳат бор - Эдоардо Бовенинг ўйини. У 20 ёшда, аммо ғалаба учун биргина унинг ўзи камлик қилади. Боведан ташқари барчамиз мағлубиятга лойиқ эдик", - деди Моуриньо.