12 сен 07:27
Новости

Бокс/ММА

"Канело" чемпионлик жанги ташкилотчисини Кроуфордга хайрихоҳликда айблади

Якшанба тонгида АҚШнинг Невада штати Лас-Вегас шаҳрида узоқ кутилган профессионал бокс турнири бўлиб ўтади.

Оқшомнинг асосий жангида иккинчи ярим ўрта вазн тоифасида мутлақ жаҳон чемпиони Сауль Альварес мағлубият ва муроса нималигини билмай келаётган Теренс Кроуфордга қарши рингга кўтарилади.

Мексикалик 35 ёшли "Канело" америкалик 37 яшар Кроуфордга қарши кечадиган жанг олдидан ўтказилган матбуот анжуманида турнир ташкилотчиси - Саудия Арабистони Кўнгилочар бош бошқармаси раиси Турки Ал аш-Шайхга айблов қўйди. Сауль Туркини бўлажак жангда Кроуфордга хайрихоҳ бўлаётганликда айблади.

Турки: Ушбу жангда Теренс навбатдаги мутлақ чемпионлик унвонини қўлга киритиши мумкин.

Канело: Сен шуни истайсан.

Турки: Мен шуни айтишим керак эди.

Маълумот учун, Альварес - Кроуфорд жанги ғолиби иккинчи ўрта вазн тоифасида мутлақ жаҳон чемпиони унвонини қўлга киритади.