02 июн 09:17
Новости

Теннис

Карлос Алькараз "Ролан Гаррос" бош совринини кўзлаяпти

Дунёнинг иккинчи ракеткаси Карлос Алькараз "Катта Дубулға" туркумига кирувчи "Ролан Гаррос" турнирининг чорак финал иштирокчисига айланди.

Испаниялик теннисчи тўртинчи даврада ATP рейтингида 13-ўринни эгаллаб турган америкалик Бен Шелтонни тўрт сет натижасига кўра қийинчилик билан мағлубиятга учратди - 7/6(8), 6/3, 4/6, 6/4. Карлос теннисчиларнинг ўзаро учинчи учрашувида ҳам зафар қучди - 3:0.

Уч соату 19 дақиқа давом этган баҳсда Алькараз 5, Шелтон 6 та эйс зарбасини амалга оширган. Брейклар бўйича устунлик Карлос томонида бўлди - 3 га 2. Алькараз қаторасига тўртинчи йил ҳам Париж турнирида 1/4 финалга чиқди. Энди у 1/4 финалда яна бир америкалик Томми Полга қарши кортга чиқади.