13 апр 13:05
Новости

Теннис

Карлос Алькаразнинг финалдаги рақиби ҳам маълум

Монте-Карло "Мастерс" турнирида иккинчи финалчининг номи ҳам маълум бўлди.

ATP рейтингида 16-поғонада бораётган италиялик Лоренцо Музетти ҳал қилувчи тай-брейкда дунёнинг 10-ракеткаси австралиялик Алекс Де Минаурни камбэк эвазига мағлубиятга учратди - 1/6, 6/4, 7/6(4).

Музетти теннисчиларнинг ўзаро учрашувлари ҳисобида олдинга чиқиб олди - 2:1. Икки соату 40 дақиқа давом этган баҳсда Музетти 2, Де Минаур 1 та эйс зарбасини амалга оширган. Брейклар бўйича устунлик мағлуб теннисчи томонида бўлди - 7 га 5.

Италиялик 23 ёшли теннисчи фаолиятида илк бор "Мастерс" турнирлари финалига чиқди. Финалда ғалаба қозонса, дунёнинг 10-ракеткасига айланади. Мағлуб бўлган тақдирда 11-ўринга кўтарилиб олади. Унинг бош соврин учун баҳсдаги рақиби дунёнинг учинчи ракеткаси, испаниялик Карлос Алькараз бўлади.