16 фев 12:39
Новости
Теннис
Каролина Плишкова Осакани қийинчилик билан енгди
Қатар пойтахти Доҳа шаҳрида ўтказилаётган WTA турнирида ярим финал иштирокчилари маълум бўлди.
Дунёнинг 59-ракеткаси бўлиб турган чехиялик Каролина Плишкова 104 дақиқа давом этган 1/4 финалда WTA рейтингида 747-поғонадан жой олган япониялик Наоми Осакани қийинчилик билан мағлубиятга учратди - 7/6(6), 7/6(5).
Теннисчиларнинг ўзаро учрашувларида Каролина олдинда бормоқда - 5:2. Плишкова 8, Осака 10 та эйс зарбасини амалга оширган. Қўшхатолар чехиялик теннисчида уч баробар кўпроқ бўлди - 6 га 2. Иккала теннис маликаси ҳам 2 тадан брейкка эришган.
Ўтган ҳафта Клуж-Напокадаги турнирда чемпион бўлган Плишкова кетма-кет тўққизинчи ғалабасини тантана қилди. Унинг финал остонасидаги рақибаси дунёнинг биринчи ракеткаси, польшалик Ига Свёнтек бўлади.
Ссылка :
Источник : gotennis
Комментарии